Иранскиот врховен лидер, ајатолахот Али Хамнеи, му наредил на Иран да го нападне директно Израел како одмазда за убиството на лидерот на Хамас, Исмаил Ханије во Техеран, според тројца ирански претставници запознаени со наредбата, објави Њујорк Тајмс.
Хамнеи ја издаде наредбата на вонредниот состанок на Врховниот совет за национална безбедност на Иран во средата наутро, набргу откако Иран објави дека Ханије е убиен, изјавија тројца ирански претставници, вклучително и двајца членови на Револуционерната гарда. Тие побараа нивните имиња да не се објавуваат бидејќи не се овластени јавно да зборуваат.
Иран и Хамас го обвинија Израел за атентатот; Израел, кој е во војна со Хамас во Појасот Газа, ниту го призна, ниту го негираше убиството на Ханије, кој беше во Техеран на инаугурацијата на новиот ирански претседател.