Денот од соништата за оваа невеста заврши во полициски автомобил откако беше уапсена на својата свадба и осудена на 11 години затвор.
Ненси Лизет Родригез Гуадаррама не успеала ниту да ја исече свадбената торта пред да биде приведена.
Таа беше запрена при пристигнувањето во црквата и одведена во Јавното обвинителство облечена во својата бела венчаница.
Нејзиниот иден сопруг, Клементе Мендиола Мартинез, успеал да побегне од црквата. Сепак, подоцна бил пронајден мртов во својот автомобил во Вила Гереро, Мексико, опкружен со над 200 чаури.
Родригез беше осудена на 11 години и шест месеци затвор за тешка кражба по нејзиното апсење на 3 декември минатата година. Обвинителите успешно докажаа дека таа била членка на криминалната организација Фамилија Мичоакана и дека учествувала во насилен грабеж во март 2022 година.
Според истрагата, таа украла пари од жртва во Тенанго дел Вале заедно со уште една жена и двајца машки соучесници.
Жртвата поднела пријава до Јавното обвинителство, што довело до идентификација и истрага на Родригез, пишува Метро.