Во првите три месеци од 2025 година, земјите-членки на НАТО и обезбедија на Украина воена помош во вкупна вредност од над 20 милијарди американски долари.
Оваа информација за медиумите ја соопшти генералниот секретар на НАТО Марк Руте.
„Ги видовме најновите податоци дека сојузниците на НАТО и дадоа над 20 милијарди американски долари поддршка на Украина во првите три месеци за да се уверат дека можат да останат во борбата додека трае“, рече Руте.
Руте, обраќајќи му се на американскиот државен секретар Марко Рубио, му се заблагодари за неговата „неуморна дипломатија“.
„Во текот на последните неколку месеци патувавте низ целиот свет. Исто така, сакам да ви се заблагодарам за она што го направивте претходно како сенатор кој го поддржува НАТО и ќе имаме многу да разговараме во следните два дена“, рече Руте.