208
Унгарскиот премиер Виктор Орбан денеска ги обвини Европската народна партија (ЕПП), левичарите и либералите дека се согласиле да создадат провоена коалиција во Европскиот парламент, со, како што наведе, раководството на лидерот на ЕПП, Манфред Вебер.
„Ова не е она за што гласаа европските граѓани на 9 јуни“, напиша Орбан на социјалната мрежа „Икс“.
На изборите за Европскиот парламент, кои се одржаа од 6 до 9 јуни, централнодесничарската Европска народна партија освои најмногу гласови и го зголеми бројот на мандати, додека социјалистите го зазедоа второто место, а либералите собрани околу Обнови Европа загубија голем број мандати на изборите.