Откриена радијација во руски град – прогласена вонредна состојба

Властите во рускиот далечен град Хабаровск прогласија вонредна состојба во областа каде што е пронајден „извор на радиоактивно зрачење“, објави новинската агенција ТАСС.

Беше кажано дека зголемено ниво на радијација е откриено во близина на електричен столб на околу 2,5 километри од станбени згради.

„Никој не е повреден или изложен на радијација и „нема закана по здравјето на граѓаните“, вели локалниот огранок на руската агенција за заштита на потрошувачите.

Се наведува дека нивото на радијација ќе се следи во следните два дена и ќе се истражи изворот на зрачењето.