Научниците дојдоа до револуционерно откритие во регионот Хамерсли во Западна Австралија. Тие пронајдоа наоѓалиште на железна руда со неверојатни размери. Вредноста на наоѓалиштето звучи речиси надреално.
Доколку рудата била целосно ископана и продадена по тековните пазарни цени, нејзината цена би била 5.615.018.000.000.000 евра или околу 5,6 билијарди евра, пренесува „Дневно.хр“.
Наоѓалиштето, најголемото познато во светот, содржи повеќе од 50 гигатони железна руда. Покрај неговата неверојатна парична вредност, ова неочекувано откритие нуди клучни сознанија за геолошката историја на Земјата.
Научниците веруваат дека рудата настанала пред повеќе од милијарда години за време на одвојувањето на древните суперконтиненти, процес кој одиграл клучна улога во формирањето на вредни метали и минерали.
Сепак, иако бројките предизвикуваат стравопочит, ископувањето на толку огромно наоѓалиште е огромен предизвик. Извлекувањето, преработката и дистрибуцијата на рудата ќе трае со децении, ако не и со векови.