Инспекторите кои се занимаваат со инцидентот што се случи на божиќната парада во Висконсин веруваат дека напаѓачот во тој момент бил во бегство од друго место на злосторството.
Има индиции дека осомничениот возач бегал од друг инцидент, кога со црвен теренец влетал на божиќна парада, при што загинале пет лица, а најмалку 40 се повредени. Осомничениот набрзо бил уапсен, но точниот идентитет се уште е непознат за јавноста.
Додека случајот е во рана фаза од истрагата, нема наводи за поврзаност со меѓународен или домашен тероризам и се чини дека не е поврзан со пресудата за Кеноша, велат полициски извори.
Нападот се случил во доцните вечерни часови, кога црвениот теренец собрал повеќе од 40 луѓе на божиќната парада. Очевидци велат дека луѓето панично бегале и се обидувале да ги најдат своите најблиски.
Една девојка за влакно ја избегна смртта кога возилото со голема брзина поминало на само неколку сантиметри од неа. Ден Томпсон, шефот на локалната полиција, изјави дека инцидентот однел пет животи, но многу е можно тој број да расте во текот на денот.
Повредените се во болница, а тројца во моментов се во критична состојба.