Озлогласените руски хакери тврдат дека стојат зад нападот врз хрватските институции. Во пораката на Телеграма од 26 јуни, денот кога беа нападнати хрватските институции, тие напишаа: „Не сме ја посетиле Хрватска веќе некое време и решивме да се потсетиме“.
Објавија и список на институциите кои ги нападнаа – Министерството за финансии, Даночната управа, Хрватската народна банка, порталот на Хрватската народна банка и Загрепската берза, пишува тпортал.
Споменатите институции беа под хакерски напад во средата, а потоа во четвртокот наутро имаше и хакерски напад врз системот КБЦ Загреб (Ребро).
Истрагата е во тек и не се знае дали се поврзани нападите врз финансиските институции и болницата. Треба да се напомене дека Хрватската национална болница не е на списокот на руски хакери од групата Noname057(16), но со оглед на тоа што пораката на Телеграм е објавена на 26 јуни, а ден потоа била нападната КБЦ Загреб, не е невозможно болницата да била цел и на руски хакери, но тие не се пофалиле со нападот.