Пакистанскиот министер за одбрана, Хаваџа Асиф, денес предупреди дека Индија би можела да започне воен напад во секое време по линијата на контрола во Кашмир.
„Постојат извештаи дека Индија би можела да нападне која било точка по должината на линијата на контрола. Њу Делхи ќе добие соодветен одговор“, изјави тој за новинарите во Исламабад, објави „Хиндустан тајмс“.
Асиф, исто така, рече дека пакистанскиот премиер Шехбаз Шариф побарал меѓународна истрага за нападот во Пахалгам.
„Таквата истрага би открила дали самата Индија или некоја внатрешна група е вмешана и би ја разјаснила вистината зад неоснованите обвинувања на Њу Делхи“, додаде Асиф.
Пакистанскиот министер за информации, Ата Тарар, минатата недела изјави дека е можно Индија да го нападне Пакистан во следните 36 часа.
Од поделбата на Индија и создавањето на Пакистан во 1947 година, двата нуклеарно вооружени соседи водеа две војни за територијата со муслиманско мнозинство, која и двете ја сметаат за нивна во целост, но ја контролираат само делумно.