Петков: Бугарија е суверена, Руската Федерација треба да работи за побезбедна Европа

од Milan1

Бугарија е суверена држава и ние одамна го направивме нашиот избор, станавме членка на НАТО и како таква одлучуваме да ја организираме одбраната на нашата земја во координација со нашите партнери.

Ова го изјави премиерот Кирил Петков во изјава од собраниската говорница, повикувајќи ја Руската Федерација да остане ангажирана во дијалогот за деескалација на тензиите и да работи за побезбедна Европа, пренесува агенцијата БГНЕС.

„Договорот од Вашингтон не предвидува втора категорија на земји-членки за кои колективната одбрана треба да се применува селективно и во ограничен обем“, додаде Петков.

Христо Иванов од  „Демократска Бугарија“ изрази задоволство од брзата, навремена реакција на премиерот. Според него, ставот на премиерот е за членство на Бугарија во НАТО и за нашата волја да ја развиваме нашата национална безбедност во партнерство со НАТО. „Ние од ДБ ќе ги поддржиме во рамките на владејачката коалиција напорите за развој на сите аспекти на нашата колективна безбедност, за развој на бугарските институции, вклучително и Советот за безбедност до премиерот“, додаде Иванов.

Цончо Ганев од „Вазраждане“ рече дека пратениците од неговата група веруваат дека само бугарскиот народ и држава може да одлучи какви војници ќе има на бугарска територија. „За овие прашања не може да разговараат странски земји. Недозволиво е Вашингтон или Москва да располагаат со одбраната на Бугарија и со бугарската надворешна и внатрешна политика. На Бугарија не и треба никаков конфронтација“, рече Ганев.

ПП, МРФ, БСП и ИТН не ја коментираа изјавата на премиерот Кирил Петков откако стана јасно дека Руската Федерација сака НАТО да ги повлече своите војници од Бугарија и Романија.

Слични содржини