Петр Павел: Невозможно е да се игнорира растот на поддршката за „екстремистите“ во ЕУ

Чешкиот претседател Петр Павел ги коментираше резултатите од изборите за Европскиот парламент на својот профил на „X“, велејќи дека е невозможно да се игнорира растот на поддршката за „екстремистите“ во ЕУ, каде што најверојатно десничарските партии ќе имаат мнозинство.

„Сепак, верувам дека главната вредносна ориентација на Европската унија, насочена кон безбедноста или демократијата, нема да се промени по овие избори“, рече Павел.

Тој им честиташе на избраните пратеници во Европскиот парламент и им се заблагодари на сите гласачи кои излегоа на гласање, истакнувајќи дека излезноста била 36 отсто, што е највисока од влезот на Чешка во ЕУ.