Писториус: Неприфатливо е Германија да се споредува со авторитарен режим

Германскиот министер за одбрана Борис Писториус денеска ги отфрли како неприфатливи критиките на американскиот потпретседател Џеј Ди Венс.

„Американскиот потпретседател едноставно ја доведува во прашање не само демократијата на Германија, туку и демократијата на Европа како целина“, рече Писториус на конференцијата за безбедност во Минхен, пренесе „Ројтерс“.

Венс претходно на конференцијата рече дека не треба да има „огнен ѕид“ што ја исклучува политичката соработка со европските партии во врска со загриженоста на гласачите за имиграцијата, пренесува Танјуг.