Почина уште еден од ранетите во терористичкиот напад во Москва

Почина уште еден ранет кој беше во тешка состојба по терористичкиот напад во Москва пред една недела, изјави денеска рускиот министер за здравство, Михаил Мурашко. Министерот рече дека починатиот пациент имал тешки прострелни рани, пренесе ТАСС.

Со тоа, бројот на загинати во терористичкиот напад на 22 март во концертната сала „Крокус сити хол“ се искачи на 141, а состојбата на уште неколкумина е сериозна.

Претходно Белоруската амбасада во Руската Федерација извести за смрт на државјанин на Белорусија како последица на терористичкиот напад. Според нивните податоци, станува збор за маж роден 1981 година кој се здобил со повеќекратни рани од куршуми.