Полскиот претседател Анджеј Дуда изјави дека Полска е „подготвена“ да распореди нуклеарно оружје на нејзина територија доколку НАТО одлучи да го зајакне своето источно крило.
„Русија се повеќе го милитаризира регионот Кенигсберг (Калининград). Неодамна го пресели своето нуклеарно оружје во Белорусија“, рече Дуда во интервјуто објавено во понеделникот од полскиот весник Факт, пренесува Политико.
„Доколку нашите сојузници одлучат да распоредат нуклеарно оружје и на наша територија, за да ја зајакнеме безбедноста на источното крило на НАТО, ние сме подготвени за тоа“, додаде тој.
Од почетокот на руската инвазија на Украина во февруари 2022 година, претседателот Владимир Путин упати прикриени нуклеарни закани кон Западот, дури и распоредувајќи нуклеарно оружје во Белорусија, која се граничи со членките на НАТО, Полска, Литванија и Латвија.
Дуда рече дека распоредувањето на нуклеарната програма е предмет на преговори меѓу Полска и САД „веќе некое време“.
„Веќе неколку пати зборував за тоа. Морам да признаам дека кога ме прашаа за тоа изјавив дека сме подготвени“, рече тој.