Воениот суд во Москва денеска ја осуди театарската режисерка Анастасија Бережински на осум години затвор поради објавување антивоени коментари на Интернет, вклучително и неколку повици за убиство на рускиот претседател Владимир Путин поради војната во Украина, пренесоа руските медиуми.
Бережинска (43) е осудена за дискредитација на руската армија, ширење лажни информации, како и оправдување тероризам, објави „Медиазона“.
Во првите месеци по почетокот на руската инвазија на Украина во февруари 2022 година, Бережинска објави десетици објави против конфликтот на Интернет.
На 14 мај 2022 година, таа објави повеќе од 30 објави на социјалната мрежа „ВКонтакте“ во кои тврди дека Путин е лично одговорен за смртта на мажи, жени и деца во Украина и повика на атентат на рускиот претседател.
Бережинска се изјасни за виновна за ширење лажни информации и дискредитација на руската војска, како и делумно виновна за обвиненијата за тероризам.