Поранешниот шеф на руската дипломатија Андреј Козирев смета дека Путин е рационален и дека нема да започне нуклеарна војна.
Зошто мисли дека Путин нема да користи нуклеарно оружје против Западот, објасни Андреј Козирев во објава на Твитер.
„Додека Кремљ ги помина последните 20 години обидувајќи се да ја модернизира својата војска, голем дел од парите беа украдени и потрошени на мегајахти на Кипар, но воените советници сметаа дека не можат да го пријават тоа на Путин“, рече Козирев.
Козирев додава дека поголемиот дела од руското раководство почнал да верува во сопствената пропаганда дека Западот е слаб и дека американскиот претседател Џо Бајден е ментално неспособен.
„Значи, според мене, Путин е рационален. Со оглед на тоа што е рационален, јас цврсто верувам дека нема намерно да користи нуклеарно оружје против Западот. Велам намерно затоа што гранатирањето во близина на нуклеарната централа може да предизвика ненамерна нуклеарна катастрофа во Украина“, рече Козирев.