Откако кардиналите не избраа папа во првиот круг гласање што се одржа во среда навечер, вториот круг гласање заврши на ист начин кардиналите сè уште не постигнаа договор.
Малку пред 12 часот, од оџакот над Систинската капела се појави црн чад, што значи дека кардиналите не постигнаа договор ниту на утринското гласање. Ова не е толку изненадувачки со оглед на тоа што кардиналите никогаш во модерната историја не избрале папа во втор круг гласање.
Кардиналите денес ќе имаат уште две гласања, а доколку папата биде избран во следните неколку часа, бел чад ќе биде над Сикстинската капела веќе во 17:30 часот. Доколку кардиналите не изберат папа дотогаш, нема да се појави чад од оџакот во 17:30 часот. Во тој случај, верниците ќе мора да почекаат до 19:00 часот, односно до крајот на последниот круг гласање за денес.
Се очекува конклавата да трае неколку дена, со оглед на тоа што во моментов нема јасен фаворит меѓу кандидатите. Италијанскиот кардинал Пјетро Паролин, Филипинецот Луис Антонио Тагле, Французинот Жан-Марк Авелин, Унгарецот Петер Ердо, Американецот Роберт Превост и надбискупот Ерусалимски Пјербатиста Пицабала се споменуваат меѓу потенцијалните наследници на Папата.
Повеќето од кардиналите-изборници беа назначени од папата Франциск, што ги зголемува шансите неговиот наследник да продолжи со реформскиот курс.