Премиерката на Бангладеш, Шеик Хасина поднесе оставка и ја напушти земјата. Како што пренесуваат светските медиуми, таа тоа го направила по ескалацијата на протестите кои траат веќе неколку недели и во кои загинаа голем број луѓе.
Претходно, интернетот и мобилните услуги беа блокирани низ Бангладеш, а антивладините демонстранти најавија марш кон главниот град Дака.
Bangladesh Prime Minister Sheikh Hasina departed from Bangabhaban at around 2:30pm on Monday on a military helicopter, accompanied by her younger sister, Sheikh Rehana for a “safer place.”: Bangladesh media reports pic.twitter.com/cAzcRgwvul
— ANI (@ANI) August 5, 2024
Се очекува денеска да им се обрати на граѓаните началникот на армијата на Бангладеш, генерал Вакар-уз-Заман.
Бројот на загинати од почетокот на демонстрациите во Бангладеш се искачи на најмалку 300, бидејќи 94 лица загинаа вчера во судирите меѓу демонстрантите и поддржувачите на владата, објави Франс прес.
Да потсетиме дека демонстрациите почнаа кога студентите бараа прекин на системот на квоти за државните работни места, но судирите меѓу полицијата и провладините активисти прераснаа во насилство во кое минатиот месец загинаа повеќе од 200 луѓе.
Ова поттикна повеќе протести со барање одговорност од владата, што се претвори во повици за оставка на премиерот.