Претставници на Европската банка за обнова развој (ЕБОР) од денеска до петок ќе престојуваат во посета на земјава каде ќе остварат средби со претставници на власта, граѓанските здруженија и бизнис секторот.
Како што информираа денеска од ЕБОР, целта на посетата е да се идентификуваат клучните области на ангажманот на ЕБОР со цел да се интензивира деловниот и политичкиот дијалог.
Според најавите, претставниците на ЕБОР ќе се сретнат со министерката за енергетика, рударство и минерали Сања Божиновска и со државниот советник на министерот за енергетика Елена Ивановска. Ќе остварат средби и со вицегувернерките Емилија Нацевска и Ана Митреска, како и со Викторија Глигорова, директор на супервизија во Народната банка. Претставниците на ЕБОР ќе имаат средби и со комерцијалните банки и енергетските компании (МЕПСО, ЕСМ и НОМАГАС), како и со граѓански организации.
ЕБОР досега има инвестирано околу 2,9 милијарди евра во 196 проекти во земјава.