Протест пред Владата на Црна Гора, граѓаните до полицијата: Каде бевте на 1 јануари?

Граѓани попладнево се собраа пред зградата на Владата на Црна Гора, на протест поради реакцијата на властите на трагедијата што се случи на 1 јануари во Цетиње.

Појавувањето на десетици полицајци пред зградата на Владата во еден момент ги револтираше граѓаните кои почнаа да ги прозиваат и да прашуваат „каде бевте на 1-ви јануари“?

Граѓаните носеа транспаренти на кои пишува: „Рацете ви се крвави“, „Системот ви е скапан“ и „12 минути молк“.