Путин: Русија е подготвена да преземе мерки за зачувување на суверенитетот на Сирија

Рускиот претседател Владимир Путин денеска за време на разговорот со емирот на Катар Тамим бин Хамад Ал Тани изјави дека Русија е подготвена да ги преземе сите неопходни мерки за зачувување на суверенитетот на Сирија.

„Би сакале да сториме се за Сирија, пред сè, да остане суверена, независна и територијално интегрална држава“, рече Путин, пренесе „Известија“.

Според него, Русија исто така е подготвена да му пружи помош на сирискиот народ, вклучително и хуманитарна помош.

Путин смета дека во Сирија има многу проблеми, политички, безбедносни и економски проблеми, пренесе „Известија“.

Катарскиот емир Тамим бин Хамад Ал Тани е во официјална посета на Русија.