Расел Бренд беше обвинет за силување и сексуална злоупотреба од 1999 до 2005 година, пишува Би-Би-Си. Обвиненијата се однесуваат на четири различни жени.
Според официјалното соопштение на полицијата, во обвиненијата се вели дека во 1999 година силувал жена во областа Борнемут, во 2001 година сексуално нападнал жена, а во 2004 година сексуално нападнал друга жена. Тој, исто така, силувал девојка помеѓу 2004 и 2005 година во областа Лондон.
Комичарот и актер беше испрашуван неколку пати откако шоуто „Sunday Times, The Times и Dispatches“ објави серија сериозни обвинувања против него во септември 2023. Бренд претходно негираше сè, велејќи дека „обвинувањата многу го повредиле“.
„Жените кои ги поднесоа обвинувањата продолжуваат да бидат поддржани од специјално обучени полицајци. Истрагата е во тек и детективите ги повикуваат сите засегнати од овој случај или кои имаат какви било информации да контактираат со полицијата”, изјави детективот Енди Фурфи од лондонската полиција, кој ја води истрагата.
Австралиска пејачка во 2006 година јавно го нарече Бранд предатор: „Тој е целосно луд“
Се верува дека моментално е во Америка
Расел Бренд треба да се појави пред судот во Лондон на 2 мај, но се верува дека моментално е во САД. Во такви случаи, кога осомничениот е во странство, обвинителите прво се обидуваат да постигнат договор за неговото доброволно враќање. Доколку осомничениот не соработува, властите потоа можат да покренат формална постапка за екстрадиција.
Се уште не е познато дали Бренд доброволно ќе влезе во судот или британските власти ќе бидат принудени да побараат негова екстрадиција од САД.
Една од жртвите била малолетна
Потсетуваме, една од жените кои го тужеле, позната како Надија изјавила дека актерот „ја притиснал на ѕид“ во неговиот дом во Лос Анџелес и таа ги пријавила нејзините повреди во центарот за жртви на силување. Друга жена вели дека била малолетна, на само 16 години, кога Бренд ја малтретирал, опишувајќи ја нивната тримесечна врска како емоционално навредлива.
Бренд ги негираше сите обвинувања, тврдејќи дека сите негови интимни врски биле консензуални.
Инаку, Бренд моментално е во брак со писателката Лаура Галачер. Двојката се венчаше во 2017 година, а тој претходно беше во брак со пејачката Кети Пери.