Шпанскиот гигант Реал Мадрид официјално го претстави новото засилување Тибо Куртоа. Белгискиот голман, поранешен фудбалер на Атлетико Мадрид, се приклучува на „лос бланкос“ од Челзи. Претходно денеска 26-годишниот Куртоа ги помина успешно медицинските прегледи и потпиша официјално договорот со својот нов тим во присуство на претседателот Флорентино Перез
Куртоа беше претставен на стадионот „Сантијаго Бернабеу“. Церемонијата започна со неколкуминутен клип со импресивни одбрани на Куртоа.
? @thibautcourtois#WelcomeCourtois pic.twitter.com/LtQzRKzaDE
— Real Madrid C.F. (@realmadrid) August 9, 2018
Потоа претседателот на Реал Мадрид, Флорентино Перез одржа говор во кој го поздрави Куртоа како „одличен играч со огромен талент“ и ги истакна силните настапи на Белгиецот на одржаното ова лето светско првенство во Русија, каде „црвените ѓаволи“ освоија го бронзениот медал.
Самиот Куртоа, исто така, имаше кратка изјава, велејќи дека му е мило што доаѓа во „најдобриот клуб во светот“.
„Денес доаѓам да остварам сон. Од дете сонувам за овој момент да се случи. Хала Мадрид!“, рече Куртоа.
?⚽ @thibautcourtois#WelcomeCourtois pic.twitter.com/13eQtbvBTg
— Real Madrid C.F. (@realmadrid) August 9, 2018