Ременски: Не бре дечки, на погрешна адреса ги праќате “воспевите за подвизите”

Во својата фејсбук објава денес екс пратеничката од редовите на СДСМ и министерка во претходното владино раководство, Фросира Ременски, денес посочи дека добивала пораки за „лајк“ на фејсбук страницата „јавна личност Сашо Мијалков“.

„Социјалдемократи ми праќаа покани и потсетувања да ставам “лајк” на ФБ страницата на “јавната личност Сашо Мијалков”, па ми праќаа колумни од Никола Тодоров “реформаторот”, па сега ми праќаат сликички со написи од слични “реформатори” …

Не бре дечки, на погрешна адреса ги праќате “воспевите за подвизите” на тие против кои до вчера се боревме.

Не знам за вас, но јас се борев и уште се борам против истите тие паразити – конкретно и со факти, со име и презиме, јавно и транспарентно, не со пароли.

Се ќе беше во ред ако со истата храброст истите вие ставевте “лајк” на објавите за нивниот криминал за кој некој велат дека “летала глава”.

Некако од заборав “ви летнал паметот” – ги измешавте лончињата и приоритетите …

Од култура нема да ве наредам со име и презиме, за да го покажам вашиот придонес во борбата и за партијата.

Но, има време ќе ви текне“, се вели во нејзината објава.