Русија се подготвува за голема воена парада по повод Денот на победата. Протечените снимки од генералната проба во Екатеринбург предизвикаа загриженост. Владимир Путин направи драстични промени во концептот на парадата. Според „Билд“, сè било наводно снимено на 9 април, а објавено на 14 април, кога снимката почнала да се шири на социјалните мрежи.
На генералната проба, Владимир Путин не ги распореди т.н. „супертенкови“, а од парадата изостанаа и нуклеарните проектили. Исто така, немаше ни тенкови од Втората светска војна, кои традиционално симболизираат победа над нацистичка Германија. Наместо тоа, беа прикажани борбени единици и опрема способни за офанзива врз Украина или земја членка на НАТО во секое време.
Борбената формација вклучуваше шест тенкови опремени со кафези, мрежи и гумени ролери за заштита од беспилотни летала. Изложени беа и класичните повеќецевни ракетни фрлачи БМ-21 и БМ-30. Парадата заврши со возила за поставување мостови, камиони-цистерни, амбулантни возила, роботи за деминирање и системи за електронско војување.
„Сè што е потребно за успешна логистичка поддршка на напад врз соседна земја“, пишува „Билд“, а го пренесуваат и други странски медиуми.
Victory Parade Rehearsals in Yekaterinburg, featuring the latest modifications of T-72B3M, T-80BVM, T-90M with all the bells and whistles.
Along with other equipment, like a 100mm MT-12 Field gun, 152mm 2A36 Giatsint-B, 120mm 2S23 Nona-SVK, BM-30 Smerch, and alot of other… pic.twitter.com/WmxHQ9xBd0— T-90K (@T_90AK) April 14, 2025