Кремљ очекува сигнал за подготвеност за продолжување на директните преговори со Русија од Киев, изјави портпаролот Дмитриј Песков како одговор на прашање од новинар на ТАСС.
„Тоа треба да дојде од Киев. Тие барем треба да преземат одредени чекори во таа насока. Во моментов, сè уште постои законска забрана и досега не сме виделе никакви конкретни потези“, рече Песков, нагласувајќи дека Москва очекува јасен сигнал од украинската престолнина, а не од Вашингтон.
Зборувајќи за односите меѓу Русија и Соединетите Американски Држави, Песков вчера истакна дека двете земји делат бројни точки на контакт во врска со Украина, но дека е прерано да се зборува за конкретните услови на каков било договор.
„Постојат многу ставови што навистина се совпаѓаат со нашите“, рече Песков, нагласувајќи дека иако се во тек дипломатски напори, преговорите мора да се водат зад затворени врати и без јавен притисок.
Песков додаде и дека ставовите на американскиот претседател Доналд Трамп за украинското прашање се преклопуваат во многу аспекти со руските ставови, што дополнително отвора простор за потенцијално усогласување на ставовите во иднина.