Русија одговори со закани на извештаите дека Франција наскоро може да испрати тренери да и помогнат на украинската војска.
„Ниту еден инструктор вклучен во обуката на украинската армија нема имунитет“, изјави портпаролот на Кремљ, Дмитриј Песков, пренесува АФП.
„Не е важно дали се Французи или не“, додаде Пескoв.
Минатата недела, командантот на Украина, Олександар Сирскиј, рече дека француските тренери ќе дојдат во Украина „наскоро“, изјава што тогаш беше демантирана од Париз и Киев.
Францускиот претседател Емануел Макрон – кој ќе се сретне со украинскиот претседател Володимир Зеленски оваа недела за време на 80-годишнината на Денот Д во Франција – наскоро може да објави мала коалиција на земји кои се подготвени да испратат тренери на терен во Украина.
„Денес нема консензус за испраќање, примање и официјално одобрување копнени трупи. Но, во динамична ситуација, ништо не треба да се исклучи“, рече Макрон во февруари.