Русија се обидува да ја подели Украина на два дела за да создаде регион под контрола на Москва, откако таа не успеа да ја преземе целата земја, изјави денеска шефот на украинската воена разузнавачка служба Кирило Буданов.
„Всушност, тоа е обид да се создадат Северна и Јужна Кореја во Украина“, рече Буданов во изјавата, додавајќи дека Украина наскоро ќе започне герилска војна на територијата окупирана од Русија.
Руската армија моментално контролира неколку помали градови на југ и на исток, додека главната цел и најголема цел на пристаништето Мариупол се уште е под опсада.
Потсетуваме дека во петокот руската армија објави дека првата фаза од војната е завршена и дека во наредниот период фокусот ќе биде ставен на „целосно ослободување на Донбас“, регион во источна Украина каде пропруските сепаратисти еднострано прогласија независност во 2014 година во регионите Луганск и Доњецк.
Тие две територии, Доњецката Народна Република (ДНР) и Луганската Народна Република (ЛНР), Владимир Путин ги призна како независни територии два дена пред почетокот на инвазијата на Украина.
Во текот на денешниот ден, лидерот на самопрогласената Луганска Народна Република (ЛНР), Леонид Пашечник, најави дека на територијата на Луганск може да се одржи референдум за приклучување кон Руската Федерација.