АНДРЕЈ Федоров, поранешен заменик министер за надворешни работи на Русија и поранешен советник на рускиот премиер и рускиот потпретседател, во програма на рускиот канал НТВ предвидува дека украинскиот напад врз Москва е неизбежен.
Федоров го даде гореспоменатото предвидување за време на дебатата водена од аналитичарот за надворешна политика Максим Јусин.
Во емисијата се дискутираше за потенцијалната испорака на западни борбени авиони на украинската армија. Еден од учесниците во дебатата го праша Федоров дали таквото оружје би претставувало преминување на „црвената линија“ што ќе го одведе рускиот претседател Владимир Путин до дополнителна ескалација на војната.
„Удар кој сигурно ќе се случи“
Федоров одговори дека испраќањето авиони на Украинците не е една од „црвените линии“ на Русија, а потоа изјави што би била „црвена линија“ за Путин.
„Тоа е напад врз командните центри во Москва“, кажал тој, пишува „Newsweek’.
Федоров бил запрашан дали мислел на „обид за државен удар“.
„Удар, а не обид. Удар што дефинитивно ќе се случи, тоа ќе биде црвената линија“, објаснил Федоров.
Антон Герашченко, советник на украинскиот министер за внатрешни работи, ја сподели снимката од дискусијата на Твитер.
"A strike on command centers in Moscow is bound to happen" – Russian propaganda pic.twitter.com/YPgSTBvmVh
— Anton Gerashchenko (@Gerashchenko_en) February 1, 2023