Европа

Руски воен авион се урна за време на прелет над Кримскиот Полуостров: Загинаа сите патници

Руски воен транспортен авион се урна во вторникот откако прелетал над анектираниот Кримски Полуостров, при што загинаа сите 29 лица во леталото, објави руската новинска агенција ТАСС, повикувајќи се на руското Министерство за одбрана

од Кристијан Димков
9 прегледи Фото: Принтскрин/Јутјуб/Украина 365

Контактот со авионот, Ан-26, бил изгубен во понеделник околу 18 часот по московско време (15 часот по Гринич), а истражителите на Министерството за одбрана работат на местото на несреќата, соопшти министерството.

Меѓу 29-те загинати има 23 патници и шест членови на екипажот, соопшти министерството за ТАСС. На остатоците од авионот не се пронајдени знаци на надворешен удар, додаде министерството, истакнувајќи дека во оваа фаза од истрагата главна причина за падот е технички дефект.