Рускиот систем „С-400“ пристигна во Белорусија (ВИДЕО)

Рускиот противвоздушен ракетен систем С-400 „Триумф“ пристигна во Белорусија, соопшти руското Министерство за одбрана.

„Рекетниот систем за противвоздушна одбрана С-400, триумф на Источниот воен округ, пристигна во Белорусија“, соопшти руското Министерство, а пренесе агенцијата „ТАС“.

Војниците треба да дојдат на полигонот во регионот Брест во Белорусија, каде рускиот екипаж ќе подготви инженерска опрема и ќе ги камуфлира почетните позиции.

„По пристигнувањето на локацијата на мисијата за обука, екипажот на рускиот С-400 ќе замине на борбена должност во рамките на Единствениот регионален систем за воздушна одбрана на Белорусија и Русија“, се вели во соопштението.