Холандскиот премиер Марк Руте изјави денеска дека продолжувањето на поддршката за Украина е клучна тема на дводневниот состанок на Европскиот совет во Брисел и најави отворање на Фондот за помош на Украина.
„Се лансира Украинскиот фонд за помош, клучен ресурс кога станува збор за интензивирање на нашите напори. Фондот ќе помогне во зајакнувањето на одбранбеното производство на ЕУ. Ни треба ова не само за да продолжиме да ја поддржуваме Украина, туку и да ја заштитиме сопствената безбедност. Затоа што силното одвраќање е најдобрата одбрана. Имајќи го тоа предвид, на дневен ред е и темата за европската одбранбена соработка“, напиша Руте во пост на платформата „X“.
There’s a lot to discuss at the #EUCO over the next two days in Brussels. Naturally our continuing support for Ukraine is a key topic. The Ukraine Assistance Fund is being launched – a crucial resource when it comes to stepping up our efforts. What’s more, the fund will help… pic.twitter.com/vg7jrZ4f32
— Mark Rutte (@MinPres) March 21, 2024
Според Руте, на средбата ќе се разговара и за „очајната ситуација во Газа, која секој ден се влошува“.