9
Соединетите Американски Држави денес воведоа санкции врз седум лица и еден субјект поврзан со Ал-Кард Ал-Хасан (AQAH), финансиска институција контролирана од милитантната група Хезболах, објави денес Стејт департментот.
Во него се додава дека седумте високи функционери им помогнале на милитантите на Хезболах да ги избегнат санкциите со извршување трансакции вредни неколку милиони долари преку скриени сметки.
Покрај тоа, американската програма „Награди за правда“ (RFJ) нуди награда до 10 милиони долари за информации што ќе доведат до нарушување на финансиските механизми на Хезболах, се вели во соопштението.