Сестрите Елеонор и Софи Браун се договориле да ја засрамат жената со која татко им Џеф ја изневерил нивната мајка пред десет години. Планот им пропаднал бидејќи едната добила отказ од полицијата, а на другат аи се заканува затвор.
Сестрите објавиле приватни и интимни фотографии од дотичната жена на една страница за придружба, заедно со бројот на нејзиниот сопруг. После тоа парот почнал да добива повици.
Минатата недела, сослушувањето откри дека Елеонор ги објавила фотографиите на страницата за 2022 година, како и бројот на мажот.
Поротниците дознале дека нивниот татко имал афера пред повеќе од 10 години, кога и двајцата биле во брак. Нивната афера беше откриена во 2015 година кога Сара Браун открила интимни фотографии и видеа од жената.
Така, сега 24-годишната Елинор Браун е осудена на три години затвор, откако судијата ја опиша како „целосно лишена од секаков морален компас“, пренесува британски „Телеграф“.
Судијата Алекс Менари по нејзиното апсење изјави дека нема намера да се извинува за своите злосторства и дека нејзиниот „недостиг на каење е запрепастувачки“.
Судот слушна како Елеонор објавила погрдни коментари за љубовницата на нејзиниот татко на деловната веб-страница на нејзиниот сопруг. Таа потоа му испратила интимни фотографии од неговата сопруга на „WhatsApp“, а ги објавила и на страницата за ескорт.
Судијата рече дека Браун се допговарала со нејзината сестра Софи и мајката Сара заедно да го создадат лажниот профил. Софи (26) не беше обвинета за никакво прекршување, но беше отпуштена од полицијата по сослушувањето. Нивната мајка не е обвинета за никакво прекршување.
Љубовницата на таткото изјави пред судот дека „тешко ѝ е да поверува дека една жена би го направила ова на друга жена“ и дека е „исплашена од она што Браун сè уште е способна да го направи“.
Адвокатот Хари Кроусон, бранејќи ја жртвата, рече дека е „неразбирливо“ како Браун се вклучила во приказната.
„Таа стана воин во војна која никогаш не требаше да ја води. Таа мора да престане да води битка што не е нејзина“, изјави адвокатот пред судот. Судот слушна и дека Елинор Браун ги добила фотографиите од нејзината мајка.
Судијата Менари рече дека еден од најсуровите аспекти на случајот бил контактот на Браун со ќерката на жртвата, на која не и било кажано за аферата. Ќерката на жената не знаела ништо за измамата, а Елеонор и рекла: „Ќе се погрижам мајка ти никогаш да не заборави што му направи на моето семејство“.