Во новата колумна посветена на тензиите на северот на Косово, Даниел Сервер, угледен американски професор од Универзитетот Џон Хопкинс и експерт за состојбите на Балканот, предупреди дека секое опуштање на властите од Приштина ќе има катастрофални последици за таа земја и ги повика американските политичари да ги преиспитаат своите политики на Западен Балкан.
Опишувајќи ги тензиите на северот на Косово, Сервер изјави дека „српските хулигани блокираат патишта, напаѓаат новинари, пукаат во полицијата и членовите на КФОР“, но и дека „тие не се случајни бандити“, туку оние кои се „платени и под контролата на Белград“.
„Какви и да се првичните оправдувања за ваквото однесување, крајниот ефект е да се поткопа дијалогот со Приштина и да се спречи сериозно разгледување на сè уште необјавениот, и затоа сè уште нејасен, француско-германски предлог за привремена „нормализација“, пишува Сервер.
Сервер нагласува, „Европа и САД треба јасно да и кажат на Србија дека предизвикувањето немири на Косово има последици“, а го цитираше мислењето на аналитичарот од БиХ, Јасмин Мујановиќ.
„Поточно, петте земји од ЕУ кои не го признаваат Косово мора да видат како и ги олеснуваат работите на Србија. Целосното признавање на суверенитетот на Косово и почетокот на неговиот прием во ЕУ и НАТО е нешто што Западот може да го направи денес без да бара никаков придонес од Белград, Москва или Пекинг“.
„Ова има смисла. Дури и ако една или две земји кои не го признаваат Косово направија како што сугерира Јасмин, тоа би направило голема разлика кога станува збор за воинственоста на Белград. На еден или друг начин Западот мора да покаже дека дестабилизацијата не е во интерес на Србија и дека никогаш повеќе нема да се повтори“, додаде Сервер, кој смета дека Вучиќ на Косово ја спроведува стратегијата на рускиот претседател Владимир Путин од 2014 година во Донбас.
„Не може да се дозволи никаде да се исплати агресијата преку дестабилизација“, рече тој.