Шефицата на севернокорејската дипломатија, Чое Сон-Хуи, изјави дека Пјонгјанг ќе внимава на какви било непријателски дејствија на Корејскиот полуостров, тврдејќи дека безбедносната ситуација на полуостровот се приближува до опасна фаза, пренесува Јонхап.
-Во последно време безбедносната ситуација се приближува до опасна фаза“, изјави Чое на четвртиот Евроазиски форум на жени што се одржа во Санкт Петербург.
Чое додаде дека „политиката која бара сојузништво“ на САД и некои земји што ја следат, предизвика „маѓепсан круг на ескалација на тензиите и конфронтација“.
На 13 септември, Северна Кореја за прв пат јавно го откри својот капацитет за збогатување ураниум, прикажувајќи слики од лидерот Ким Џонг-ун кој повикува на зголемување на нуклеарниот арсенал на земјата.
САД ја зајакнаа безбедносната соработка со Јужна Кореја и Јапонија, нејзините главни азиски сојузници, за да се спротивстават на ракетните и нуклеарните закани на Северна Кореја.
Лидерите на САД, Индија, Јапонија и Австралија пред два дена го осудија лансирањето на проектили од Северна Кореја и нејзината нуклеарна програма и ја потврдија својата посветеност на целосна денуклеаризација на Корејскиот полуостров.