Шест китови се насукаа на северниот брег на Кипар

Телата на шест китови со клун беа пронајдени денес насукани на северниот брег на Кипар, а властите соопштија дека животните најверојатно умреле како последица на разорниот земјотрес во блиските земји Турција и Сирија.

Кипарската агенција за рибарство и морски истражувања објави дека еден ден претходно биле забележани уште четири китови, од кои три биле вратени во морето, а еден умрел, пренесува Ројтерс.

„Овие животни имаат систем за ехолокација на кој влијае бучавата во морето, што може да биде предизвикано од воени вежби, сеизмички дупчење или природни земјотреси во регионот“, рече Јанис Јоану од Агенцијата за рибарство и морски истражувања.