Денеска во центарот на Мадрид одекна силна експлозија во која според првичните информации животот го загубија три лица, додека осум се повредени. Причина за несреќата може да биде истекување на гас во зграда што припаѓа на Католичката црква. Очевидци раскажуваат како ја доживеале експлозијата што ја потресе целата улица.
„Во шок сум. Беше хаос. Никој не знаеше што се случи“, така го опишала келнерката во барот „Лос Тјернос“ моментот на експлозијата во Мадрид.
Како што изјавила, таа и готвачот забележале „нешто“, само откако клиентот им рекол дека видел чад.
„Тој пријде и рече дека има експлозија. После тоа, дојде полицијата, пожарникарите … хаос!“, изјавила келнерката. Барот бил отворен цело време.
Balance #explosión en la calle Toledo. 2 personas fallecidas, 6 heridos leves, uno moderado y uno grave trasladado a La Paz. @SAMUR_PC @BomberosMad @policiademadrid y @policia continúan trabajando en la zona. pic.twitter.com/N4IbUD0PY9
— Emergencias Madrid (@EmergenciasMad) January 20, 2021
„Бев во магацинот и слушнав ужасем звук. Кога се качив горе, исплашена жена влета во супермаркетот. За среќа, таа не беше повредена“, рече друг очевидец, работник во блискиот супермаркет.
„Додека читав, слушнав врева. Се тресеше прозорецот во мојата дневна соба. Погледнав и не видов ништо. После тоа, добив порака со прашање како сум“, изјавил Хавиер Берзос, жител на овој регион.
Себастијан Гомез, друг жител од околината, гледал телевизија кога ја слушнал вревата.
„Само што ручав и дремев. Бучавата ме разбуди. Трчав кон балконот и не видов ништо, само полициски возила ја блокираа улицата “, ја опишува ситуацијата Гомез.
"Estaba aquí en un restaurante al lado de la #explosion y me ha pillado ahí comiendo. Fue un ruido espantoso, se han reventado las ventanas, salieron volando hacia afuera, luego cascotes, humo, olor a gas y de todo. Un susto" #explosionmadrid #madridexplosion pic.twitter.com/SsACusrqG6
— Sputnik Reporteros (@Sputnik_Report) January 20, 2021
Во моментот на експлозијата, Хесус Ремаша работел во канцеларијата, додека неговата сопруга била дома. Според неа, прозорците во соседната зграда биле скршени, се кренал чад и се чувствувал силен мирис на бензин.
Градоначалникот на Мадрид, Мартинес-Алмеида, им се обрати на жителите на градот по несреќата. Тој изрази сочувство до семејствата на загинатите, а на повредените им посака успешно опоравување.