Шпанскиот премиер Педро Санчез, во своето обраќање до јавноста во неделата, ветил дека ќе ја забрани проституцијата во таа земја, бидејќи како што вели таа “ги поробува жените”.
Проституцијата е декриминализирана во Шпанија од 1995-та година. Обединетите нации во 2016-та година процениле дека сексуалната индустрија во таа земја остварува 3,7 милијарди евра.
Истражувањето од 2009-та година покажало дека секој трет маж во Шпанија барем еднаш платил за сексуални услуги.
Меѓутоа, друг извештај објавен во 2009-та година сугерира на тоа дека таа бројка би можела да изнесува дури 39 проценти, а истражувањето на ОН од 2011-та ја наведува Шпанија како третиот најголем центар за проституција на светот, зад Тајланд и Порторико.
Проституцијата во Шпанија моментално не е регулирана и не постојат казни за оние кои нудат платени сексуални услуги. Меѓутоа, спроведување или делување како посредник меѓу сексуални работнички и потенцијален клиент е противзаконско.
Индустријата доживеала подем од својата декриминализација и се проценува дека околу 300.000 жени работат како проститутки во Шпанија.