Apple нема да може вечно да зависи од продажбата на iPhone, уредот од кој остваруваат најголем профит, туку се подготвуваат за иднина каде приходите ќе доаѓаат од многу различни извори.
Apple неодамна ги предупреди инвеститорите дека нивните производи веројатно нема да бидат толку профитабилни во иднина и нема да имаат толкава продажна маржа како iPhone. Исто така, како што неодамна напиша Марк Гурман за Bloomberg, во наредните години успехот на компанијата нема да зависи само од еден уред, како нивниот телефон, туку од неколку уреди од различни категории.
Компанијата ја проширува својата палета на гаџети во последниве години, па неодамна го претставија првиот VR уред Vision Pro. Иако продажбата не оди според планот (а дури и тие планови не беа многу амбициозни), тие веќе размислуваат за нови модели, наследник на моќниот хардвер и поевтин модел, како и паметни очила.
Исто така, како што Минг-Чи Куо, познат аналитичар на Apple, откри оваа недела, компанијата „фрлила око“ на друг пазар каде што очекуваат голема побарувачка. Станува збор за камери за домашен надзор кои треба да се вклопат во палетата на паметни домашни уреди на Apple. Во моментов, глобалните испораки на камери за надзор изнесуваат од 30 до 40 милиони, според овој аналитичар, а долгорочната цел на Apple е да испорачува повеќе од десет милиони камери годишно.
На својата страница на платформата Medium, Куо напиша дека почетокот на масовното производство на камерите на Apple е планиран за 2026 година и нагласи дека во споредба со конкурентите, компанијата на Кук може да има предност во тоа што корисничкото искуство на нивните камери може да биде „значително подобрен благодарение на постоечкиот екосистем на уреди на Apple и интеграцијата со Apple Intelligence и Siri. За производство на камери треба да биде одговорна кинеската компанија Goertek.
Покрај информациите за надзорните камери, Куо ги објави и плановите на Apple за AirPods, кои се поврзани со воведување на повеќе здравствени опции, слични на часовниците на Apple. Воведувањето на вакви нови опции треба да помогне да се зголеми продажбата на AirPods од 48 милиони минатата година на меѓу 65 и 68 милиони очекувани во 2026 година.
Токму во овој пример на слушалки и камери за надзор, како и идни уреди како што се VR уредите и паметните очила, можеме да видиме дел од стратегијата на Apple за иднината. Според тоа, Apple не може вечно да зависи од продажбата на iPhone, но наместо да бара еден уред кој би можел да ги замени нивните големи приходи од продажба на телефони, тие би можеле да ги компензираат овие приходи со продажба на повеќе уреди од различни категории.