23
Трговската размена меѓу Кина и Латинска Америка минатата година за прв пат надмина 500 милијарди долари, изјави денес кинескиот претседател Си Џинпинг, пренесува Танјуг.
Во својот говор на четвртиот министерски состанок на Форумот Кина-CELAC (Заедница на латиноамерикански и карипски држави), Си им рече на латиноамериканските и карипските функционери дека е многу задоволен што ги гледа собраните „стари и нови“ пријатели.
Кина ги поддржува земјите од Латинска Америка и Карибите во проширувањето на нивното влијание на мултилатералната сцена, рече Си, пренесува Ројтерс.
Состанокот меѓу Кина и CELAC се одржува во Пекинг, а го претседава кинескиот министер за надворешни работи Ванг Ји.