Вооружените сили на Украина во моментов контролираат околу 1.000 квадратни километри руска територија и продолжуваат со офанзивната операција во регионот Курск, изјави денеска врховниот командант на вооружените сили на Украина, Олександр Сирски.
„Продолжуваме со офанзивната операција на територијата на Курската област. Во моментов околу 1.000 квадратни километри руска територија се под наша контрола. Силите ги исполнуваат своите задачи. Непријателските дејствија всушност се водат по целата линија на фронтот. Ситуацијата е под наша контрола“, рече тој, а пренесува Интерфакс Украина.
Вршителот на должноста гувернер на областа Курск, Алексеј Смирнов, претходно денеска изјави дека ситуацијата во регионот и понатаму е тешка и дека украинските вооружени сили контролираат 28 населени места.