Во изминатите неколку дена, на руските воени возила се појавија неколку нови знаци, а експерти за воена комуникација потврдија за „Скај њуз“ дека тоа се начини на комуникација меѓу единиците – и дека се поставени непосредно пред лансирањето.
„Скај њуз“ наброја најмалку 10 различни симболи, освен буквата (знакот) З, што ја користеа руските воени трупи кои ја нападнаа Украина.
Се сомнева дека етикетите најверојатно имаат две намени:
Да се идентификуваат возилата како руски, за другите руски сили да не пукаат во нив во „пријателски оган“;
Да се обележат офанзивните групи и нивните цели.
Покрај симболот буквата З (Z), други знаци се забележани на многу руски тенкови, оклопни и други воени возила.
Триаголник – со две линии на страните;
Круг – со точка внатре;
Два триаголници – еден внатре во друг;
Форми на дијаманти;
Заедничко им е тоа што секогаш се нацртани во бело.
Рускиот претседател Владимир Путин ја опиша инвазијата на неговата земја во Украина како „специјална воена операција“. Но, од самиот почеток, ова не беше ограничена воена кампања. Некои ја нарекуваат операцијата како „Операција З“, врз основа на упадливата буква З (Z), што укажува на руски тенкови и други воени возила. Ова е најголемата и најсложената воена кампања што ја започна Москва од инвазијата на Авганистан во 1979 година.