Менаџерот на Манчестер Јунајтед, Оле Гунар Солскјаер, сака да го засили својот тим преку зимскиот преоден рок, по слабиот старт на првенството во Англија.
„Црвените ѓаволи“ го заземаат 10-тото место со само 9 бода по првите 7 натпревари во сезоната. Ова го принуди Солскјаер да бара замени во нападот и средниот ред на тимот, со тоа што двете споменувани имиња за трансфери на „Олд Трафорд“ се оние на Шон Лонгстаф и напаѓачот на Лион, Муса Дембеле.
Дембеле е оценет високо од страна на „децата“, како и генерално во Франција, каде се смета за следниот голем француски стрелец. Јунајтед се надева дека понудата од околу 50 милиони фунти ќе биде доволна за да потпише со него.
Играчот од средниот ред на Њукасл, Лонгстаф, од своја страна, повеќе од 6 месеци бил следен од скаутите на „црвените ѓаволи“. Гигантот од Манчестер сакаше да го привлече играчот од средниот ред во текот на летото, но договорот така и не се оствари.