Инфлуенсерката од Дубаи, која често сe фали со својот екстравагантен начин на живот на интернет, сподели ново видео на Инстаграм, тврдејќи дека нејзиниот сопруг милионер го купил островот само за да може да носи бикини во приватност. Соуди Ал Надак (26) на Инстаграм сподели видео од приватен, неоткриен остров со натпис: „Сакате да облечете бикини, па вашиот сопруг милионер ви купи остров“. На видеото се гледа како парот лета со изнајмен авион до тропскиот остров, кој има приватно одморалиште вградено во карпата и високи палми со поглед на лагуната.
„Ова беше неговата најдобра инвестиција досега“, напиша таа додека го споделуваше видеото, кое стана вирално на социјалните мрежи и собра над 2,5 милиони прегледи.
Видеото беше критикувано од многу корисници кои го нарекоа расипничко прикажување на богатството и начин тој да се пофали со својот луксузен начин на живот. „Само оди на плажа или на базен“, напиша еден корисник. „Ова е добро, но треба да донирате пари за сиромашните“, коментира друг.
„Нема да биде долго милијардер со таква жена“, саркастично напиша трет корисник. „Подобро заштедете ги парите, инвестирајте“, предложи четвртиот.
Инфлуенсерката изјавила дека таа и нејзиниот сопруг планирале да го купат островот како инвестиција.
„Тоа беше нешто што сакавме да го направиме некое време како инвестициска стратегија и мојот сопруг сака да се чувствувам безбедно на плажата, па затоа и купи“, рече таа.
Соуди одби да ја открие точната локација на островот поради приватност и безбедносни причини, но рече дека нејзиниот сопруг Џамал издвоил 50 милиони долари за имотот.
– Од причини на приватност не ја споделуваме точната локација, но таа е во Азија и чини 50 милиони долари – објаснила таа, а дел од островот може да се види во нејзиното видео.
Инфлуенсерката често споделува фрагменти од нејзиниот раскошен животен стил кој вклучува екстравагантни набавки, луксузни автомобили и искуства од патувања до различни дестинации ширум светот. Иако многумина ја критикуваа дека се фали со своето богатство, се чини дека тоа не влијае на неа, пренесува „NDTV“.
Имено, таа со семејството се преселила во Дубаи кога имала шест години и го запознала сопругот Џамал Ал Надак, додека двајцата студирале на универзитетот пред осум години. Таа е во брак со него во последните три години. Нивниот брак вклучува правила како што се нема пријатели од спротивниот пол, си ги знаат лозинките и секогаш нивната локација е достапна еден на друг.