597
Генералниот секретар на НАТО Јенс Столтенберг денеска изјави дека Украина има право да напаѓа воени цели во Русија за да се одбрани од напади.
„Украина има право да напаѓа воени цели на руска територија како дел од правото на самоодбрана, а ние имаме право да ги поддржиме во одбраната“, рече Столтенберг одговарајќи на прашање на Гласот на Америка во Брисел во седиштето на НАТО, каде Алијансата и нејзините партнери го одржаа 23-ти состанок на Контакт групата за одбрана на Украина (UDCG).
Групата, предводена од Соединетите Американски Држави, собира околу 50 земји за да ја координираат воената поддршка за Киев во борбата против руската инвазија.