Националната лига за демократија (НЛД), партија на притворениот лидер на Мјанмар, Аунг Сан Су Чи, денеска ја повика армијата што ја презеде власта во земјата за итно ослободување од притвор и признавање на изборната победа на НЛД од ноември кога беа спроведени избори.
Актуелната резиденција на државниот советник, која е и добитник на Нобеловата награда за мир, остана непозната следниот ден по апсењето, а висок функционер на НЛД денес потврди дека дознал дека нејзиното здравје е добро и дека не е отстранета од нејзиното место веднаш по пучот, пренесува Ројтерс.
Некои неименувани извори на НЛД за агенцијата изјавија дека таа и претседателот Винх Мјунг се во домашен притвор, како и околу 400 други официјални лица и членови на парламентот на Мјанмар.
Улиците во Напид и Јангон утрово се помирни од вообичаеното, а безбедносните сили се распоредени на главните точки. Паничното купување е стопирано, а телекомуникациските услуги се повторно воспоставени, додека меѓународниот аеродром во Мјанмар во Јангон останува затворен до април или дури мај, изјави за Ројтерс неговиот менаџер, без да наведе никакви причини.
Разни активистички групи, меѓу нив и една од најголемите „Јангонска младинска мрежа“, денес објавија многу пораки на социјалните мрежи во кои се повикува на граѓанска непослушност. Американскиот претседател Џо Бајден вчера се закани дека ќе воведе нови санкции кон Мјанмар откако армијата изврши државен удар и ги уапси највисоките владини службеници.
На осудите за воената акција во Мјанмар им се придружија Австралија, Индија, Европската унија, Јапонија и Велика Британија, додека Кина нареди да се следи ситуацијата и ги повика сите страни да го почитуваат уставот. Советот за безбедност на ООН денеска ќе одржи итен состанок во врска со ситуацијата во Мјанмар по пучот, соопштија извори блиски до ООН.
Армијата на Мјанмар вчера прогласи вонредна состојба, ја презеде власта во земјата и потврди дека уапсила високи владини претставници, вклучувајќи ја и Аунг Сан Су Чи, како одговор на измамата за која тврдат дека се случила на минатогодишните општи избори, додека власта беше предадена на Врховниот командант на вооружените сили, генерал Мин Аунг Хлаинг.
Су Чи своевремено важеше за поборник во борбата за човекови права, таа ја доби Нобеловата награда за мир во 1991 година, додека беше во домашен притвор 15 години.
Во ноември 2015 година, НЛД доведе до убедлива победа на првите слободни избори во Мјанмар во изминатите 25 години и се смета за вистински политички лидер на Мјанмар. Во последниве години таа беше критикувана за нејзиниот третман кон муслиманското малцинство Рохинџа, бидејќи повеќе од 730.000 нивни членови беа протерани во соседен Бангладеш за време на воената операција во Мјанмар во 2017 година, а американските истражители изјавија дека имало масовни убиства, групни силувања „геноцидна намера“.