Свифт ја потврди соработката со Лана Дел Реј

Тејлор Свифт откри дека Лана Дел Реј ќе биде соработничка за новата песна „Snow on the Beach“. Свифт ја потврди соработката во последниот дел од „Midnights Mayhem With Me“, серијалот видеа преку кои ги откри насловите на песните од претстојниот албум „Midnights“, напиша NME, пренесува „Локално“.

Ѕвездата веќе ги откри имињата на 13-те песни од албумот, меѓу кои се „Vigilante Shit“, „Midnight Rain“, „Anti-Hero“, „Bejeweled“ и „Mastermind“.

Зборувајќи за „Midnights“, Свифт објасни дека се работи за збирка на музика напишана среде ноќ, патување низ ужасите и убавите соништа.