Серијата „Сабја“ беше наградена на фестивалот во Кан за најдобра интерпретација на целата актерска екипа, а интересно е тоа што се уште не е прикажана во Србија.
Серијата „Сабја“, во коавторство на Горан Станковиќ и Владимир Тагиќ, е за најтешкото политичко злосторство во поновата историја на Србија.
Политичкиот трилер за убиството на Ѓинѓиќ и настаните пред и по 12 март 2003 година, е во продукција на РТС и i This and That Productions.
Истата беше наградена на фестивалот за серии во Кан (Кансерии) за најдобар актерски ансамбл.
„Не беше лесно уметнички да и се пристапи на ваква тема, за време на снимањето го гледавме секој збор и гест и навистина мислам дека ја заслуживме наградата“, вели за Би-би-си на српски, актерот Драган Миќановиќ, кој го толкува Ѓинѓиќ во серијата.
Серијата се снимаше пет години, а покрај Миќановиќ, главните улоги ги толкуваат Милица Гојковиќ, Љубомир Бандовиќ и Лазар Тасиќ.
На Фестивалот на сериите во Кан беа прикажани две епизоди кои беа одлично прифатени од публиката, велат актерите.