Во понеделникот, Tesla Inc. ја зголеми својата берзанска вредност за околу 84 милијарди долари, повеќе од вкупната пазарна капитализација на Ford Motor Co., откако производителот на електрични автомобили соопшти дека планира нова поделба на акциите за околу две години.
Неодамна, поделбата на акциите на големи компании се врати во центарот на вниманието, откако Amazon.com Inc. претходно овој месец соопшти дека ќе направи поделба на акции во сооднос 20:1, по што ќе следи планот на Alphabet Inc. за сличен потег објавен во февруари. Така, овие компании се обидуваат да ги направат своите скапи акции попривлечни за индивидуалните инвеститори.
Tesla е една од осумте компании во широкиот индекс со четирицифрена вредност на акциите, според пресметките на „Блумберг“.
Веста, објавена преку Twitter, придонесе дополнително да го поттикне неодамнешното рели на акциите на Tesla. Компанијата е најголемиот победник во индексот FANG + на NYSE оваа година. Акциите се затворија со раст од 8 отсто до 1.091,84 долари во понеделникот, што е највисоко ниво од 12 јануари.
Последен пат Tesla ги подели своите акции во август 2020 година. Истата година, цената на нејзината акција порасна за неверојатни 743%, а поделбата често се наведуваше како една од причините за растот.